The Rural Social Scheme (RSS)
‘Sí an aidhm atá ag an Scéim Shóisialta Tuaithe, ná fostaíocht a chur ar fail d’fheilméirí beaga agus d’iascairí a cháilíonn tré stocuimhir agus ceadúnas iascaireachta faoi sheach a sholáthar. Fostaítear iad ar bhonn seachtainiúil ar oibreacha a thugann tacaíocht don phobal agus do thograí ata idir lámha ag eagraíochtaí pobail agus grúpaí deonacha. Oibríonn na comhpháirtithe in Acaill 19.5 uair a’chloig gach seachtain, atá solúbtha, ar scéimeanna mar chothabháil bhóithre portaigh, tograí athnuachana ar shráidbhailte agus ar cheantair thuaithe, cúram do sheandaoine in ionaid chónaithe agus in ionaid chúram lae, cothabháil agus cúram d’áiseanna pobail agus spóirt agus tionscnaimh a bhaineann le hionaid oidhreachta neamhbhrabúla.
Ní fhaigheann na comhpháirtithe ach pá atá beagán níos airde ná an íocaíocht Leasa Shóisialaigh agus mar sin is ar mhaithe le leas a bpobal féin a n-aidhm le dul i mbun oibre ar an scéim.
‘Sí Acaill an chead scéim sa tír inar ceadaíodh ,áiteacha sa bhreis mar gheall ar an oiread suime a tháinig ó iascairí agus ó fheilméirí páirt-aimseartha sa cheantar.
Tháinig go leor suime ó ionadaithe atá sásta obair ar mhaithe le leas a bpobal féin .
Tá scéim timpeallachta agus glantacháin tosnaithe ag grúpa nua i nGob a Choire agus tá oibrithe ón Scéim Shóisialta Tuaithe ag cuidiú leo.
Tá feabhas mhór tagtha ar pháirc peile Cumann Lúth Cleas Gael i nGob a Choire ó thosaigh an scéim agus bíonn na h-oibrithe ann i rith na gcluichí éagsúla le cinntiú go bhfuil an áis glan agus sábháilte do na cluichí éagsúla.
Tá Roisín Uí Mhaolabháil agus Catríona Uí Scanláin freagrach as an Scéim Shóisialta Tuaithe in Acaill.
Is tairbheach agus is fiúntach an obair luachmhar seo atá le feiceáil agus gur féidir a dhéanamh faoin Scéim nua seo. Táimid ag súil go mór leanúint ar aghaidh leis an Scéim.
Is deis iontach í seo do dhaoine ar mhaith leofa obair a dhéanamh ar son eagrais dheonacha le leas a bpobal féin a neartú agus ag cur suas stampa dóibh féin ag an am céanna.
view more...
