Rural Transport Programme
Tá an Tógra Taistil Tuaithe i Mhuigheó á riaradh ag Meitheal Mhuigheó Teo agus ‘sé Comhlacht Forbartha Áitiúil Acla riarthóirí na scéime in Acaill a thosaigh i Mi Aibrean 2003.
Ós rud é go bhfuil go leor ceantar in Acaill gan córas taistil poiblí tá riachtanas mór leis an scéim seo atá dá feidhmiú ag conraitheoirí áitiúla taistil.
Údaideann na seandaoine an tseirbhís seo uair nó dhó sa tseachtain agus is seirbhís an-tábhachtach é.
Féachtar ar Acaill mar áit ina bhfuil dul chun cinn suntasach deánta ó thaobh seirbhísí dóibh siúd ata faoi mhíbhuntáiste. B’é Comhlacht Forbartha Áitiúil Acla a rinne an cheannródaíocht in Acaill le seirbhís bus a chur ar fail in áiteanna nach raibh seirbhís ag Bus Éireann tré riaradh an Scéim Thaistil Tuaithe. Mar gheall ar an toradh rathúil anseo in Acaill agus i gceantair thrialacha eile tá an scéim ag feidhmiú anois i ngach ceantar tuaithe ar fud Éireann.
Faoin scéim tá seirbhísí áitiúla busanna agus mionbhusanna fostaithe faoi chonradh chun seirbhís ghinearálta thaistil a chur ar fáil don cheantar. Tá an tseirbhís saor in aisce dóibh siúd le pasanna saorthaistil (81 as 84) agus ní íocann paisinéirí eile ach táille íseal.
‘Bus Acla’ a thugtar ar an scéim in Acaill agus glactar go bhfuil sé fíorthábhachtach agus go deimhin go bhfuil sé riachtanach anois é do na pinsinéirí go háirithe. Is mór go deo an áis ag seanóirí a dheánann an turas go Gob a’Choire chuile Aoine , a bheith in ann a bpinsean a thógáil, castáil lena gcáirde agus comharsana, an tsiopadóireacht a dhéanamh agus cuairt a thabhairt ar Ionad Sláinte Naomh Fhionáin. Ar fhilleadh dóibh abhaile iompraítear a málaí siopadóireachta go doras dóibh.
Dúnadh go leor Oifigí Phoist in Acaill le déanaí agus i ngeall ar seo cuireadh seirbhís nua ar fáil i gceantair Dú Goirt agus Tóin an tSeanbhaile le freastal orthu siúd. Tá uimhir mhór de sheanóirí in Acaill atá ina gcónaí ina n-aonair agus in áiteacha iargúlta thart timpeall an pharóiste.
Tá díomá orainn faoi bhúiste 2009 mar go bhfuil thar a bheith deacair an tseirbhís a chur ar fáil bliain i ndiaidh bliana gan ardú búiste agus is mór go deo an obair a chuireann na conraitheoirí áitiúla isteach chun an tseirbhís fíor thábhachtach seo a chur ar fáil.
view more...
